Аҙнағолов Рафаил Ғәйнетдин улы: өлгөләр араһындағы айырма

Рафаэль Аҙнағолов 1941 йылдың 13 февралендә Чкалов (хәҙерге [[Ырымбур]]) өлкәһе [[Ҡыуандыҡ]] районы Үрге Үтәғол ауылында тыуған. 1969 йылда [[Башҡорт дәүләт университеты]]ның филология факультетын тамамлаған. 1972 йылдан алып СССР Фәндәр академияһы Башҡортостан филиалының (1991 йылдан [[Башҡортостан Фәндәр Академияһы]]) Тарих, тел һәм әҙәбиәт институтында эшләй, 1978 йылдан — Милли мәғариф проблемалары институтының [[Башҡортостан]] филиалында өлкән һәм төп ғилми хеҙмәткәре, 2004 йылдан алып [[Башҡорт дәүләт университеты]]нда уҡыта. Дөйөм алғанда 200-ҙән ашыу булған фәнни хеҙмәттәре диалектология, лексикография һәм башҡорт телен уҡытыу методикаһына арналған. Улар араһында авторҙың Башҡорт теленең орфография һүҙлеге (1998 йыл), Башҡортса-урыҫса мәктәп һүҙлеге (2003 йыл), [[Башҡортостан]]дың күренекле яҙыусылары ижадына арналған йыйынтыҡтары, шулай уҡ төрлө йүнәлештәге методик ҡулланмалар киң билдәле. Рафаэль Аҙнағолов гәзит һәм журналдар менән әүҙем хеҙмәттәшлек итте, матбуғатта әҙәби-тәнҡит, әҙәби-аналитик мәҡәләләре менән даими сығыш яһаны. Рафаэль Ғәйнетдин улы мәғарифты үҫтереүгә индергән тос өлөшө өсөн 2014 йылда Рәсәй Мәғариф һәм фән минситрлығыныңминистрлығының Константин Ушинский миҙалына лайыҡ булды.