Борай ихтилалы: өлгөләр араһындағы айырма

Борай ихтилалы, 1918 йылда [[Бөрө өйәҙе]] [[Борай улусы]] халҡының советтарға ҡаршы ҡораллы күтәрелеше. 1917 йылда 21 декабрҙә. [[Өфө губернаһы]] аҙыҡ‑түлек комитетының «Артыҡ игенде мәжбүри тапшырыу тураһында» ҡарарын үтәүсе аҙыҡ‑түлек отрядтары эшмәкәрлеге һөҙөмтәһендә тыуа. Ихтилалға [[Мәҡcүтов Сәхипзада Дәүләт улы|С.Д. Мәҡсүтов]] һәм сауҙагәр Ш. Хәмитов етәкселек итә. Ҡатнашыусыларҙың төп өлөшөн башҡорт крәҫтиәндәре тәшкил итә. 1918 йылда [[март]] уртаһында Борай ауылда кешеләре Борай улус советы ағзаларын ҡулға ала, [[Борай кантоны|Борай башҡорт кантонын]] ойоштороу тураһында иғлан итә, үҙидара орган — Борай башҡорт милли советын төҙөй, «большевиктарға ҡаршы» ҡораллы отряд ойоштора һәм, теләктәшлеккә саҡырып, күрше улустарға агитаторҙар ебәрә. Крәҫтиәндәр Рәсәйҙең үҙәк губерналарына ебәреү өсөн әҙерләнгән 30 мең т ашыуташыу иген һалынған келәттәрҙе баҫып ала. Бөрө ҡалаға килгән Ҡыҙыл гвардия отрядтарына ҡораллы ҡаршылыҡ күрһәтелә. [[27 март]]ҡа ҡараған төндә [[Өфө]]нән килгән Ҡыҙыл гвардия отряды ҡаршылыҡһыҙ Борайға инә һәм совет власын тергеҙә. Улус кулактарына штраф (1,5 млн һум) һалына.