Суфиянова Сафура Рафиҡ ҡыҙы: өлгөләр араһындағы айырма

Эстәлек юйылған Эстәлек өҫтәлгән
"'''Суфиянова Сафура Рафиҡ ҡыҙы''' (1930 йылдың 1 июле, БАССР-ҙың Бәләбәй кантоны (…" исемле яңы бит булдырылған
(айырмалар юҡ)

06:13, 23 август 2014 өлгөһө

Суфиянова Сафура Рафиҡ ҡыҙы (1930 йылдың 1 июле, БАССР-ҙың Бәләбәй кантоны (БР-ҙың хәҙерге Әлшәй районы) Иҫке Аҡҡолай ауылы - 2001 йылдың 19 октябре, Әлшәй районы Иҫке Аҡҡолай ауылы) - ауыл хужалығы өлкәһендә эшләүсе башҡорт ҡатын-ҡыҙҙары араһынан сыҡҡан Социалистик Хеҙмәт Геройы.


Тормошо

Сафура Рафиҡ ҡыҙы Суфиянова 1930 йылдың 1 июлендә БАССР-ҙың Бәләбәй кантоны (БР-ҙың хәҙерге Әлшәй районы) Иҫке Аҡҡолай ауылында тыуған. 1944-1959 йылдарҙа "Заветы Ленина" колхозының һөтсөлөк фермаһында быҙау ҡараусы. 1959-1989 йылдарҙа шул уҡ хужалыҡта, хаҡлы ялға сыҡҡас та 5 йыл, һауынсы булып эшләй. 2001 йылдың 19 октябрендә тыуған ауылында вафат була.

Хеҙмәт юлы


Сафура Рафиҡ ҡыҙы Суфиянова ярлы крәҫтиән ғаиләһендә тыуып үҫә. Бала сағы ауыр йылдарға - Бөйөк Ватан һуғышы йылдарына тура килә. 5-се класты тамамлау менән, 12 йәштән "Заветы Ленина" колхозына һөтсөлөк фермаһына эшкә бара. Тәүҙә быҙауҙар ҡарай, унан 1959 йылдан алып һауынсы булып китә. Һыйырҙар ул ваҡытта ҡул менән һауыла, механизация 1969 йылдан ғына индерелә. С.Р. Суфиянова һауымды тәүҙә һәр һыйырҙан 3 000 кг-ға еткерә. Унан был күрһәткес 4 000, 5 000 кг-ға етә. Алдынғы һауынсы районда социалистик ярышта еңеп сыға, КПСС-тың XXV съезына делегат итеп ебәрелә, район Советы депутаты итеп һайлана. Эш тәжрибәһен башҡалар менән ихлас уртаҡлаша, һайлаусылар наказдарын тырышып үтәй. Ауыл хужалығын үҫтереүгә индергән тос өлөшө өсөн уға Социалистик Хеҙмәт Геройы (1971) исеме бирелә, Ленин ордены, Хеҙмәт Ҡыҙыл Байраҡ ордены, Почет грамоталары менән бүләкләнә.


Маҡтаулы исеме, наградалары


Социалистик Хеҙмәт Геройы (1971); БАССР-ҙың иң яҡшы һауынсыһы (1963); Ленин ордены (1971); Хеҙмәт Ҡыҙыл Байраҡ ордены (1976).


Исемен мәңгеләштереү


Иҫке Аҡҡолай ауылында ул йәшәгән йортҡа иҫтәлекле таҡтаташ ҡуйылған.


Сығанаҡтар