Янышев Фәнис Фәтих улы: өлгөләр араһындағы айырма

 

1957-1961 йылдарҙа күрше Ҡолтай-Ҡаран, 1961-1966 йылдарҙа Боғҙан урта мәктәбендә уҡый.

1970-1972 йылдарҙа Совет Армияһы сафтарында хеҙмәт итә.

1981 йылда Башҡортостан ауыл хужалығы институтын тамамлап, агроном һөнәренә эйә була.

1973-1993 йылдарҙа колхоз, совхозда эшләй, республика гәзиттәре редакцияларында, "Башҡортостан" телерадиокомпанияһында хәбәрсе була. 1993-1996 йылдарҙа Силәбе ҡалаһында донъя күреүсе "Тыуған яҡ"(башҡорт телендә),"Дуслык" (татар телендә)өлкә гәзиттәре мөхәррире, БР Милли әҙәби музейы директоры урынбаҫары, "Тамаша" журналының баш мөхәррире урынбаҫары вазифаларын башҡара.

2006 йылда Өфөләге Мәжит Ғафуриҙың мемориаль Йорт-музейы директоры итеп тәғәйенләнә.

Хәҙерге ваҡытта Миәкә районы Туҡһанбай ауылындағы Мифтахетдин Аҡмулла музейы директоры.

 

Фәнис Янышев әҙәбиәткә журналистиканан килә. Тәүге мәҡәлә, очерктары республика гәзиттәрендә донъя күрә. Аҙаҡ көсөн хикәйә жанрында һынап ҡарай.

Ф.Ф. Янышев фәнни-танып белеү, фантастик башҡорт балалар әҙәбиәтенә нигеҙ һалыуға һәм уны фәнни-хужожестволы, фантастик әкиәт, хикәйә, повесть жанрҙары аша үҫтереүгә ижади өлөш индерә. Ул был йәһәттән - тиҫтәнән ашыу китап авторы.