Бирсель Гюльсе

Гюльсе Бирсель (ҡыҙ фамилияһы Шенер; 1971 йыл 11 март) — төрөк актеры, сценарист һәм күҙәтеүсе.

Биографияһы

Гюльсе Бирсель 1971 йылдың 11 мартында Стамбулда, Гюльтекин һәм Семиха Шенерҙарҙың өсөнсө балаһы булып тыуған. Уның атаһы юрист була, әсәһе — хужабикә. Ҡыҙҙарына исемде атаһының һәм әсәһенең исемдәренең беренсе ижектәренән төҙөп ҡушалар.

Урта мәктәпте Бейоглу Анадолула тамамлай. Ул мәктәп йылдарында уҡ артист һөнәре тураһында хыяллана, әммә тәүҙә үҙенең ғаиләһенең теләге буйынса ул Богазичи университетының иҡтисад факультетына уҡырға инә. 1994 һәм 1996 йылдар араһында ул Колумбия университетында нәфис сәнғәт магистры һөнәре ала.

Әле университеттың икенсе курсында уҡығанда Гюльсе Бирсель Aktüel журналында эшләй башлай. 1996 йылда Төркиәгә ҡайтып ATV-ла (ҡыҫҡарт. Actual Television) эшләй башлай, унда мәғлүмәт бюллетене яҙа. Бер йылдан Гюльсе Esquire Turkey журналының баш мөхәррире итеп тәғәйенләнә. 1997 йылдың декабренән 2003 йылға тиклем Harper’s Bazaar Turkey баш мөхәррире була.. 2001-2002 йылдарҙа Sabah гәзитендә күҙәтеүсе булып эшләй. Был осорҙа ул шулай уҡ мауыҡтырғыс FHM (ингл. For Him Magazine). журналында генераль координатор сифатында эшләй.

2002 йылдың март айында ул телевидениела клип менән тәү башлап сығыш яһай. 2003 йылдың мартында ул китапта элек «Ciddiyim Gayet» исеме аҫтында баҫылып сыҡҡан мәҡәләләре менән бергә клипҡа сценарий баҫтырып сығара. 2004 йылдың мартына тиклем ул алып барыусы һәм клиптар сценарисы булып эшләй.

2003 йылдың мартында ул Левент Оздилек менән бергә ATV «Эйва»! сериалында төп ролде уйнай. 2004 йылдың февралендә ATV Avrupa Yakası сериалында сценарист һәм артист булараҡ эшләй башлай, ул 2009 йылдың июнендә тамамлана. 2004 йылдың май айында уның икенсе китабы «Hâlâ Ciddiyim» баҫылып сыға. 2005 йылда «Hırsız Var!» фильмында тәү башлап кинола сығыш яһай. 2005 йылдың авгусында уның өсөнсө китабы баҫылып сыға.

2008 йылдың апрелендә Гюльсе Истанбулда 2008 йылғы Йәйге Олимпия уйындары факелын йөрөтөү хоҡуғына лайыҡ була 2009 йылда ул 7 Kocalı Hürmüz фильмында үҙенең тәүге кинематографик ролендә күренә. .

Бирселдың дүртенсе китабы Velev ki Ciddiyim! 2009 йылдың декабрендә сығарыла, ә һуңынан 2011 йылдың июнендә уның бишенсе китабы «Язлык» донъя күрә. 2012 йылдың ғинуарында «Канал Д» сериалында сценарист һәм актриса булараҡ эшләй башлай, ул дүрт йыл дауам итә.

2013 йылдың мартында ул Hürriyet күҙәтеүсеһе булып эшләй башлай .Уның алтынсы китабы, Memleketi Ben Kurtaracağım! 2015 йылдың ноябрь айында баҫылып сыға.

Ул сценарист һәм актриса булараҡ сығыш яһаған тәүге нәфис фильм Aile Arasında 2017 йылдың декабрендә төшөрөлә. 2018 йылдың февралдә ул Star TV-ла сценарист һәм баш артист булараҡ эшләй башлай. 2019 йылдың октябрендә үҙенең Hürriyet гәзите күҙәтеүсеһе посынан китеүе тураһында иғлан итә.

Шәхси тормошо

Гульсе Бирсель актер һәм журналист Морат Бирселгә кейәүгә сыға. Уның менән 1999 йылдың авгусында Канн ҡалаһында таныша. Ҡушағаның балалары юҡ. Улар Ишанташта йәшәйҙәр. 2014 йылдың авгусында әсәһе Семиха Шенер вафат була.