Һиндукуш (музей): өлгөләр араһындағы айырма
Il Nur (фекер алышыу | өлөш) "Һиндукуш (музей)" битен тәржемә итеп төҙөлгән |
(айырмалар юҡ)
|
10:47, 31 март 2021 өлгөһө
| «Һиндукуш» музейы | |
|---|---|
| Нигеҙләнеү йылы | 2009 |
| Йорт төҙөлгән | 1978 |
«Һиндукуш» — Татарстандың Туҡай районы Иҫке Абдул ауылында урынлашҡан социаль-патриотик музей, муниципаль бюджеттағы коммерциялы булмаған ойошма. Афғанстан һуғышы музейы булараҡ асыла. Музей директоры — Резеда Гарипова (Якупова). Музей адресы — Татарстан республикаһы Туҡай районы, Иҫке Абдул ауылы, Үҙәк урам, 16.
Тарих
Музей 2009 йылдың 15 февралендә, совет ғәскәрҙәрен Афғанстандан сығарыуҙың 20 йыллығы көнөндә асыла. 2011 йылдан муниципаль музей статусында. Беренсе директоры — Әбүзәр Ғабдрахманов. Музей шураһына афғансылар Нәҡип Хафизов, Илдус Насиров, Марсель Ситдиҡов, Айбулат Якупов һайлана. 2004 йылдың 23 февралендә Туҡай районы Абдул ауылы Афғанстан һуғышы ветерандары әленән-әле осрашып йәшәү өсөн хәрби-патриотик клуб төҙөргә килешәләр. Бының өсөн: ауыл китапханаһының фойеһын бүлеп бирә. Бер аҙҙан әлеге клуб эшендә, уның үткәргән сараларында Сәмәкәй, Мерәҫ, Теләнсетамаҡ, Сәйет, Яңы Бүләк, Октябрь-Бүләк, Иҫке Дөрөш, Казактар ауылы афғансылары (барлығы 40 кеше) ҡатнаша. Музей башта Афғанстан һуғышы музейы булараҡ ойошторола башлай. Ләкин Бөйөк Ватан һуғышы, Чечня һуғышы, Рәсәй армияһы тураһында тормышы экспонаттар ла килгәс, ижтимағи-патриотик музей статусын ала һәм Афғанстан һуғышында ҡатнашҡандарҙың барыһына ла билдәле исем – Афғанстан биләмәһенең 80 % - ын алып торған тау массивы - Һиндукуш исеме менән атала. Музейҙы биҙәү, беренсе экспонаттарҙы табыу һәм урнаштырыуы афғансылар үҙ хисаптарынан эшлиләр. 2008 йылда музей (клуб) Татарстан республикаһымәҙәниәт министрлығынан 125 меңлек грант ота, һәм ул аҡсаға быяла шкафтар, стеллаждар һатып алына. Спонсорҙар табып, хәрби ҡоралдар (макеттары) алына. Район башлығы музей алдындағы майҙансыҡты һәм андағы Бөйөк Ватан өсөн ҡорбан булғандар иҫтәлегенә асылған һәйкәлгә килеү юлдарын асфальтлауҙа ярҙам күрһәтә.[1]
Залдар
- Хәрби дан залы (2009 йылда асыла).
- «Һиндукуш» залы.
- Хәрби хеҙмәткәрҙәр кейеме залы. Ҡыҙыл Армия, Совет Армияһы, Рәсәй армияһы олаталарының көндәлек һәм байрам хәрби кейемдәре күрһәтелә.
- Атыу ҡоралы күргәҙмә залы (2013 йылда асыла)[2]
Галерея
| Күргәҙмә | Хәрби кейем залы | Музей алды | Солдат паегы (2011) |
