Мазагаон
Мазагаон (порт. Mazagão) — Һинд океанындағы утрау, элек Бомбейҙың ете утрау архипелагы составына ингән һәм Һиндостан территорияһында урынлашҡан.
| Мазагаон | |
| Дәүләт |
 Һиндостан |
|---|---|
| Административ-территориаль берәмек | Мумбай |
 | |
 Мазагаон Викимилектә | |
Географияһы үҙгәртергә
Был Бомбейҙың ете утрауҙарының береһе. Ул Көньяҡ Мумбаиның өлөшө булып тора, уға тиклем үҙәк тимер юлы тармағының Byculla станцияһынан һәм Harbour Railway тимер юлы тармағының Dockyard Road тимер юлы станцияһынан барырға мөмкин. Мазагаонда Bombay Port Trust һәм Mazagaon Dock Ltd., Mazagaon Court кеүек диңгеҙ компаниялары һәм инглиз-һинд мәктәптәре, шул иҫәптән Розария урта мәктәбе, Изге Петр мәктәбе, Антонио Д'Суза урта мәктәбе һәм Изге Мария мәктәбе бар[1]
Тарихы үҙгәртергә
Утрауҙың исемен католиктар «мазгон» йәки «маза-а-гон» тип әйтәләр, ә маратхи телендә һөйләшеүселәр — мажгав тип әйтә. Был санскрит телендә «балыҡсылар ауылы» (һуңғараҡ маратхи телендә исеме «минең ауыл» һымаҡ аңлатыла) тигәнде аңлата. XVII быуат аҙағында — XVIII быуат башында күпер төҙөлөп, Умаркхади районы урамдарына юл һалғандан һуң Махаггаон Бомбей утрауы менән ҡоро ер менән тоташа[2][3].
Беренсе португал күскенселәре булып иезуиттар тора, улар XVI быуатта сиркәүгә нигеҙ һала. Уларҙың дәғүәләренә ҡарамаҫтан, 1572 йылда португалия короле Себастьян I утрауҙы Соуз Лим ғаиләһенә мәңгелеккә файҙаланыуға бүләк итә. 1661 йылда португалдар утрауҙы инглиздәргә биргәндә, унда үҙҙәрен яҡшы танытҡан католиктар, башлыса балыҡсылар була. Евразиялылар шулай уҡ һирәк күренеш булмаған. Португалдар килтергән кафр булараҡ билдәле ҡайһы бер ҡара тәнле ҡолдар шулай уҡ этник ҡатышмаға ингән. Уларҙың традицион ағас йорттары әле лә һаҡланып ҡалған һәм мәҙәни мираҫ объекттары булып тора.
Ҡытай кварталы үҙгәртергә
1960 йылдарға тиклем Мазагаонда ҙур булмаған ҡытай кварталы була. 1962 йылда ҡытай-һинд һуғышынан һуң уның күпселек халҡы ҡаланы ҡалдыра[4]. Әлеге ваҡытта Мумбаила 400 ғаиләнән торған ҙур булмаған этник ҡытай халҡы йәшәй[5].
Мазагаонда ҡытай ғибәҙәтханаһы һәм зыяраты бар. Dockyard Road тимер юлы станцияһы артындағы ҙур булмаған Кван Гун ҡытай ғибәҙәтханаһы Наваб Танк-роуд урамында урынлашҡан. Был Мумбаила ҡыҙыл төҫкә буялған берҙән-бер ғибәҙәтхана, тыныс урын булып тора, унда медитатив ҡытай музыкаһы уйнай. Ҡытай типик атрибуттары менән биҙәлгән, шул иҫәпкә Фортуна төргәге, ҡағыҙ аҡсалар һәм хуш еҫле таяҡсалар инә, ҡорам ғәҙеллек һәм батырлыҡ аллаһы Гуаньт Гунға ихтирам күрһәтә. Ҡорам ҡарауылсыһы Альберт Тэм була[6]. Бынан тыш,бинаның беренсе ҡатында тағы бер ғибәҙәтхана төҙөйҙр, ул ҡатын-ҡыҙҙарҙың аҡыл, тыныслыҡ алиһәһе Гуань Ингә арналған.
Иҫкәрмәләр үҙгәртергә
- ↑ D'Cunha Jose Gerson. IV The Portuguese Period // The Origins of Bombay. — 3. — Bombay: Asian Educational Services, 1900. — P. 265. — ISBN 81-206-0815-1.
- ↑ Mazagaon (ингл.). Дата обращения: 21 ғинуар 2015.
- ↑ Market (ингл.). Дата обращения: 21 ғинуар 2015.
- ↑ Abidi, S.N.M. Say sorry to the Indian Chinese, Khaleej Times (28 февраль 2008).
- ↑ Someshwar, Savera R Happy Indian Chinese New Year. Rediff.com (23 ғинуар 2007). Дата обращения: 8 октябрь 2008.
- ↑ Melting pot: Mumbai’s Chinese temple glows red for year of the monkey (8 февраль 2016).