Ҡуҡрауыҡ шарлауығы

Ҡуҡрауыҡ (халыҡ телендә Күккүкерәүек) (рус. Кук-Караук) — Башҡортостандың Ишембай районы Маҡар ауылынан 7 км ситтә урынлашҡан шарлауыҡ 1965 йылдың авгусында Башҡортостандың геоморфогик тәбиғәт ҡомартҡыһы тип таныла. Геологтар, уның тирәһендә ер өҫтөнә сыҡҡан тау тоҡомдарының йәше 500 млн йылдан ашыу, тигән фекергә килгән. Шарлауыҡ Һикәҙе йылғаһына ҡойған Ҡуҡрауыҡ йылғаһында бейек ҡаялар, ҡара урмандар араһында урынлашҡан. Ҡаяларында (урыҫса бирәм) очиток гибридный, төньяҡ вудсия абағаһы, сәскәләре ярайһы уҡ эре булған уймаҡ сәскә кеүек Башҡортостандың Ҡыҙыл китабына индерелгән үҫемлектәр ҙә бар. Яҙғы ташҡындар ваҡытында шарлауыҡ бар үҙәнде тыуышы менән тултыра, йәй айҙарында тынып та ҡуя.

Кук-Караук
башҡ. Күк-Ҡарауыҡ
Ил	Рәсәй Федерацияһы
Регион	Башкортостан
Район	Ишембай районы
Йылға	Ҡуҡрауыҡ
Бейеклеге	12 м
Кук-Караук
Кук-Караук
Ҡурсаулыҡ зонаһы
Водопад Кук-Караук (Водопад Кукраук)
Категория МСОП	III (Тәбиғәт ҡомартҡыһы)
Профиль	гидрологик
Статус	реорганизован
Ойошторолған ваҡыты	17 август 1965 йыл
Бөтөрөлгән ваҡыты	27 август 2014 йыл
Ҡуҡрауыҡ шарлауығы Викимилектә

Шарлауыҡ 10-12 м бейеклегендәге бер нисә һикәлтәнән тора. Тирә яғындағы тауҙа йүкә, ерек, ҡарама, ҡайын ағастарынан торған урман үҫә.

Ҡаяларҙа бер нисә ваҡ мәмерйә бар. Ҡуҡрауыҡ һәм Һикәҙе йылғалары бер нисә урында ер аҫтына төшөп юғалған урындар бар.

Һикәҙе, Ҡуҡрауыҡ йылғалары буйлап борон Стәрлетамаҡ—Белорет тракты үткән. Уның күперҙәре әле лә һаҡланып ҡалған.

• 
  Ҡуҡрауыҡ шарлауығы
• 
  Кәлимосҡан ҡаяһында Салауат Юлаев мәмерйәһе.
• 
  Стәрлетамаҡ - Белорет юлында Екатерина күпере ҡалдыҡтары.
• 
  Ҡуҡрауыҡ шарлауығы йәйге осорҙа.

Һикәҙе йылғаһы ярында Кәлимосҡан тигән бейек ҡаяла Салауат Юлаев мәмерйәһе бар. Әммә бына ҡасандар Салауат Юлаев булып киткән урын түгел, «Салауат Юлаев» фильмын төшөргән урын.

Транспорт

Шарлауыҡҡа Р316 Стәрлетамаҡ — Белорет — Магнитогорск автомобиль юлы аша барырға мөмкин.

Гидронимия

Шарлауыҡ тауышы күк күкрәүе тауышы сығарғанға күрә шулай аталған.

Һылтанмалар

• «Рәсәй-Башҡортостан» телеканалында фильм(недоступная ссылка)

башҡорт телендәге сығанаҡтар

• Ҡуҡрауыҡ // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9.

урыҫ телендәге сығанаҡтар

• Клуб путешественников 2011 йыл 10 август архивланған.
• Удивительная Башкирия
• Управление Федеральной службы по надзору в сфере природопользования (Росприроднадзора) по Республике Башкортостан 2007 йыл 27 декабрь архивланған.
• Система охраняемых природных территорий Республики Башкортостан 2014 йыл 14 июль архивланған.
• [1], [2], [3], [4] 2014 йыл 17 июль архивланған. — фото
• картина В. П. Денисова, пейзаж