Коммунистик урам (Өфө)
Коммунистик урам — Өфө ҡалаһының Ленин һәм Киров райондарында урынлашҡан. Сенный урамы аҙағынан башланып һәм Соҡалаҡ йылғаһы менән тамамланып, көнбайыштан көнсығышҡа тиклем һуҙыла.
| Коммунистик урам | |
.jpg) | |
| Дәүләт |
 Рәсәй |
|---|---|
| Административ-территориаль берәмек | Өфө, Киров районы һәм Ленин районы |
| Оҙонлоҡ | 3,5 ± 0,1 km |
 Коммунистик урам Викимилектә | |
Тарихы үҙгәртергә
Хәҙерге Коммунистик урамдың өҫкө өлөшө башта Сенный, ә аҫҡы өлөшө Зыярат урамы тип аталған, сөнки Өфөнөң төньяҡ-көнбайыш ситендә ҡала православиеһы зыяраты урынлашҡан булған. 1796 йылда алпауыт ҡатын Аничкова үҙе һатып алған Аллаһ Әсәһе Успения ағас сиркәүен зыяратҡа күсерә. Һуңынан был урам сиркәүе исеме менән Успенский урамы тип атала башлай.
XVIII—XIX быуат сиктәрендә зыярат ҡала эсендә булғанға күрә, уның өсөн икенсе урын бүленә. Иҫке зыяраттан көнбайышҡа килгән урам Иҫке зыярат урамы, ә көнсығышҡа табан барған урам элеккесә Успенский урамы тип йөрөтөлә. 1819 йылдың планы буйынса Сенный майҙанының урам өлөшө Нижегородкаға төшөү урынынан башланып Өҫкө сауҙа майҙанына тиклем Сенный урамы тип атала башлай. 1824 йылда зыярат тулыһынса ябыла, ағас сиркәү мәхәллә итеп яһала, ә эргәһенә таштан Успенский сиркәүе төҙөйҙәр. Урамдың аҫҡы өлөшө Успенский тип кенә аталыуын дауам итһә лә, өҫкө урамды хәҙер Ҙур Успенский урамы тип йөрөтәләр.
1918 йылда, Октябрь революцияһынан һуң Өфө революционер-эсер Е. С. Сазонов хөрмәтенә урамдың исеме үҙгәртелә. 1937 йылда Өфөгә партия функционеры Андрей Жданов килер алдынан Өфө властары яңылышлыҡ ебәргәндәрен аңлап ҡала — ҡалала Сталин урамы юҡ. Ҙур Успенский урамы тиҙ арала юлбашсы хөрмәтенә Сталин урамы тип үҙгәртелә һәм 1961 йылдың октябренә тиклем шул исем менән йөрөтөлә, артабан ил буйлап бөтә Сталин урамдары Коммунистик урам тип үҙгәртелә. Ошондай исемде урам хәҙерге көнгә тиклем йөрөтә.
Тарихи биналар һәм ҡоролмалар үҙгәртергә
- Реаль училище, хәҙер — офис бинаһы
- Поликарповтарҙың абайса йорто, хәҙер Башҡортостан Республикаһы Яҙыусылар союзы бинаһы
- Лобанов йорто, хәҙер — Наркотиктарҙың законһыҙ әйләнешен контролдә тотоу идаралығы бинаһы
- А. М. Паршин йорто, хәҙер — Өфө гарнизонының Офицерҙар йорто
Транспорт үҙгәртергә
Коммунистик урам буйлап автобус һәм маршрут таксиҙары йөрөй. Коммунистик урам ҡушылған Арал урамында транспорттың һуңғы туҡталышы урынлашҡан. Коммунистик урамда шулай уҡ троллейбустар ҙа хәрәкәт итә.
Иҫтәлекле урындар үҙгәртергә
Коммунистик урамда Ленин скверы һәм Маяковский скверы сығып тора.
Галерея үҙгәртергә
-
Карл Маркс урамы менән Коммунистик урам киҫешкән ерҙә (Өфө дәүләт авиация техник университеты бинаһы, адресы буйынса Коммунистик урам яғынан Карл Маркс урамы, 12-се һанлы йорт)
_5.jpg)
Сығанаҡтар үҙгәртергә
- Синенко С. Неторопливые прогулки по Уфе. Городской путеводитель. — Уфа: Китап, 2010. — 376 с. — 3000 экз. — ISBN 978-5-295-05148-7.