Йылҡыбай (Баймаҡ районы)
Йылҡыбай (рус. Елкибаево) — бөткән ауыл. Башҡортостандың Баймаҡ районы Мерәҫ ауыл Советына (элекке Шура ауыл Советы) ҡараған ауыл. 1935 йылда нигеҙләнгән[1].
| Йылҡыбай | |
| Нигеҙләү датаһы | 1935 |
|---|---|
| Дәүләт |
 СССР Башҡортостан РеспубликаhыМерәҫ ауыл Советы |
Исеменең килеп сығышы
үҙгәртергәАуылдың исеме Йылҡыбай антропонимынан алынған, тәүге төпләнеүсе Йылҡыбай Әбүбәкеровтың исеме менән йөрөтөлгән[1].
Географик урыны
үҙгәртергәТаналыҡ йылғаһының һул яҡ ярында (хәҙер Граф күленең көнсығыш яры), район үҙәге Баймаҡ ҡалаһынан төньяҡҡа табан 5 км алыҫлыҡта ятҡан[1].
Тарихы
үҙгәртергә1935 йылда Бәхтегәрәй, Мерәҫ, Шура һәм башҡа эргә-тирәләге ауылдар башҡорттары йәшәү өсөн яңы урын һайлайҙар, сөнки был урындан Баймаҡ баҡыр иретеү заводына мәғдән һәм торфты ташыу өсөн күпкә уңайлыраҡ була. Шулай уҡ был яҡтар малсылыҡ менән шөғөлләнеү өсөн отошло күренә. Ауыл халҡы заводҡа торф һәм мәғдәнде үҙ аттарында ташыйҙар. Яңы урынға тәүге булып Мерәҫ ауылы кешеһе Йылҡыбай Әбүбәкеров төпләнә, уның ике ҡатыны булғаны билдәле. Уның артынан Солтан Аҡсабаев, Барый Вәхитов, Рәшит Ҡунаҡҡужин, Алтынбикә Әбүбәкерова, Сәйетғәле Рәхмәтуллин, Әхмәтвафа Кәримов, Әхиәт һәм Әбдрәхмән Ғайетбаевтар һәм башҡалар күсеп килә[1].
Баймаҡ — торф участкалары араһында тар колеялы юл сафҡа индерелгәндән һуң, аттарҙа йөк ташыу хәжәте юҡҡа сыға, һәм ауыл халҡы Күлйортау ауылына күсә[1].
Бөрйән ырыуы башҡорттары.
Билдәле кешеләр
үҙгәртергә— Йосоп Ғәйетбаев — дин әһеле, золом ҡорбаны. 1940 йылда атып үлтерелгән[2].
Иҫкәрмәләр
үҙгәртергә- ↑ 1,0 1,1 1,2 1,3 1,4 Ред.составитель А. Багуманов. Баймакский край. Краеведческое и энциклопедическое издание. — Уфа: Башкирское книжное издательство, 2002. — 332 с. — ISBN 5-295-03157-8.
- ↑ Айгөл Иҙелбаева. Тормошо «Кәмһетелгәндәр» романы геройҙарыныҡынан һис кәм түгел
Һылтанмалар
үҙгәртергә- Ред.составитель А. Багуманов. Баймакский край. Краеведческое и энциклопедическое издание. — Уфа: Башкирское книжное издательство, 2002. — 332 с. — ISBN 5-295-03157-8.
- Айгөл Иҙелбаева. Тормошо «Кәмһетелгәндәр» романы геройҙарыныҡынан һис кәм түгел
- «Урал батыр» эпосы яҙып алынған ерҙә
Әҙәбиәт
үҙгәртергә- Административно-территориальное деление Башкирской АССР (на 1 июня 1952 г.). — Башкирское книжное издательство, Уфа, 1953. C.284
- Асфандияров А. З. История сёл и деревень Башкортостана и сопредельных территорий. — Өфө: Китап, 2009. — С. 92. — ISBN 978-5-295-04683-4.
- БАШКОРТ АССР-ының ТОПОНИМДӘР ҺҮҘЛЕГЕ
|
Портал «Башҡортостан ауылдары» |
|---|---|
|
Башҡортостан Республикаһы Законы (№ 22-з, 16 июль, 2008 йыл.) Викикитапханала |
|
Проект «Башҡортостан ауылдары» |