Божор сәпсәү

Божор сәпсәү (рус. Фифи, лат. Tringa glareola) — һаралйын һымаҡтар ғаиләһенән ҡош. Ҡанаттары аҡлы-ҡаралы, арҡаһында һоро таптары бар. Оҙонлоғо 15-25 см тирәһе. Тундра һәм урман тундраһы зонаһында оя ҡора.

Божор сәпсәү
Божор сәпсәү утрауҙа Амчитка (Алеут утрауҙары)
Фәнни классификация
арауыҡтағы ранг Домен:  Эукариоттар Батшалыҡ:  Хайуандар Суб-батшалыҡ:  Эуметазойҙар Тип/Бүлек:  Ике яҡлы - симметриялы Суб-тип:  Икенсел ауыҙлылар Тип:  Хордалылар Клада:  Баш һөйәклеләр Суб-тип:  Умыртҡалылар Инфратип:  Башһөйәклеләр Супер-класс:  Дүрт аяҡлылар Класс:  Ҡоштар Ярым класс:  Яңы аңҡаулылар Отряд:  Ржанка һымаҡтар Аҫ рәт:  Яр көйөлдөһө Ғаилә:  Һаралйындар Ырыу:  Һаралйын Төр:  Божор сәпсәү
Халыҡ-ара фәнни исеме
Tringa glareola Linnaeus, 1758
Һаҡлау статусы
Ҙур хәүеф янамай IUCN 3.1 Least Concern : 144006
Викитөркөмдә Систематика Викиһаҡлағыста рәсемдәр ITIS   176618 NCBI   171269 EOL   1049421

Ҡылыҡһырлама

Божра сәпсәү, бозор сәпсәү. Ҙурлығы сыйырсыҡтай. Оҙон аяҡлы, оҙон суҡышлы һаҙ ҡошо. Кәүҙәһенең артҡы өлөшөн өҙлөкһөҙ бәүелтә, һырты ваҡ аҡ төрткөләр менән сыбарланған һорғолт көрән. Кәүҙәһенең аҫ яғы аҡ. Муйынында, түшендә ҡара-көрән төртөктәр, бар. Ҡара сәпсәүҙән арҡаһы һорғолт булыуы менән, ә тебеттән ҡойроҡ өҫтө аҡ булыуы менән айырыла.

Тауышы

Тауышы көйлө һәм тоноҡ ҡына: «фи-фи-фии». Яҙғыһын ата ҡоштар яңғырауыҡлы һыҙғыралар: «түли-түли-түлүлүлүү».

Йәшәү рәүеше

Батҡыллы күл һәм йылға буйҙарында, һаҙлыҡтарҙа йәшәй. Төрлө бөжәктәр менән туҡлана. Күсмә ҡош. Киң генә таралған. Ерҙә оялай. Көрән таплы 4 бөртөк йәшкелт йомртҡаһы була. Ите өҫөн аулайҙар.

Галерея

• 
• 
• 
• 
• 

  Museum specimen - Suomussalmi, Finland

Һылтанмалар

• Фифи на сайте «Птицы Алтая»
• Фифи Tringa glareola (со звуковым файлом)
• Фотографии Фифи