Биғлова Рәйсә Йыһандар ҡыҙы

Биғлова Рәйсә Йыһандар ҡыҙы (1 октябрь 1950 йыл) — ғалим-химик-органик, юғары мәктәп уҡытыусыһы. Химия фәндәре докторы (1999), профессор. (2000). Рәсәй Федерацияһының почётлы юғары профессиональ белем биреү хеҙмәткәре (2011), СССР‑ҙың уйлап табыусыһы (1986).

Биғлова Рәйсә Йыһандар ҡыҙы
Һөнәр төрө	химик
Уҡыу йорто	Башҡорт дәүләт университеты
Ғилми дәрәжә	химия фәндәре докторы[d]

Биографияһы

Рәйсә Йыһандар ҡыҙы Биғлова 1950 йылдың 1 октябрендә Башҡорт АССР-ының Өфө ҡалаһында тыуған.

• 1972 йылда Башҡорт дәүләт университетын тамамлай.
• 1976 йылдан БДУ-ла эшләй. Түбәндәге дисциплиналарҙы уҡыта:

-медицина химияһы;

-органик химия;

-биологик процестарҙың химик нигеҙҙәре;

-хәҙерге заман химияһының актуаль мәсьәләләре.

• Башта кандидатлыҡ диссертацияһын яҡлаған,

• 1999 йылдан химия фәндәре докторы,

• 2000 йылдан — профессор.

Фәнни эшмәкәрлеге

• Биғлова Рәйсә Йыһандар ҡыҙының фәнни хеҙмәттәре юғары молекуляр фенолдар синтезының селектив методын эшләүгә, полиолефиндарҙы һәм полидиендарҙы фенолдар һәм аминофенолдар менән модификациялауға бағышланған.
• Ул шулай уҡ полимерҙарға һәм минераль майҙарға ҡушыу өсөн ярым функциональ химикат-өҫтәмәләрҙе алыуҙың эффектив ысулдары тәҡдим иткән.
• Ғалим ҡаты һәм шыйыҡ йөҙҙәрҙә хемосорбция ҡанунилығын асҡан, шулай уҡ гетероген һәм ферментатив катализда уларҙың әһәмиәтле роле күрһәткән.
• Уның ҡатнашлығында 1990 йылдан бирле Химполимер ғилми-тикшеренеү институтында (Иваново ҡалаһы) микроорганизмдар тәьҫиренә бирешмәүсән, дымға һәм туҙыуға ҡаршы торорлоҡ, бик ныҡ материал, полимер композицияның (поливинилхлорид нигеҙендә) яңы рецептураһы эшләнгән.
• 195-тән ашыу фәнни хеҙмәт һәм 47 яңы уйлап табыш авторы, СССР-ҙың автор танытмаларына һәм РФ патенттарына эйә.
• 2 кандидатлыҡ диссертацияһының ғилми етәксеһе.

Маҡтаулы исемдәре һәм башҡа бүләктәрет

• СССР уйлап табыусыһы (1986).
• Рәсәй Федерацияһының почётлы юғары профессиональ белем биреү хеҙмәткәре (2011)

Төп хеҙмәттәре

• Electronic scientific journal «Oil and Gas Business», 2013, Issue 2, pp. 370—380.

Һылтанмалар

• Биғлова Рәйсә Йыһандар ҡыҙы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9.