Ататөрктөң йорт-музейы (Анталья)

Ататөрктөң йорт-музейы (төр. Atatürk Evi Müzesi ve) — экспозициялары билдәле революционер, Төркиә Республикаһының беренсе президенты Мостафа Кәмал Ататөрккә арналған, Төркиәнең Анталиә ҡалаһында урынлашҡан музей.

Ататөрктөң йорт-музейы
Нигеҙләү датаһы	1986
Принадлежит к	Museum Directorate of Antalya[d]
Дәүләт	Төркиә
Административ-территориаль берәмек	Анталиә, Анталья һәм Муратпаша[d]
Урын	Анталиә
Йылына инеүселәр һаны	71 800

Тарихы

1930 йылдың 5 мартында Төркиә Республикаһына нигеҙ һалыусы Мостафа Кәмал Ататөрк Антальяға ял итергә юллана. 6 мартта ул ҡалаға килә һәм ҡаланың үҙәк өлөшөндә урынлашҡан ике ҡатлы таш виллала туҡтала. Анталиәнең рәхмәтле халҡы сәйәсмәнде ҡалала сәләмләп ҡаршы ала һәм был йортто уға бүләк итә. Ататөрк һуңынан тағы ике тапҡыр — 1931 һәм 1935 йылдарҙа — Анталиәгә килә һәм икеһендә лә үҙенә бүләк ителгән йортта туҡтай. Ататөрк вафат булғандан һуң айырым йорт шәхси идараға тапшырыла һәм 1939 йылда ҡыҙҙар өсөн киске һөнәр биреү мәктәбенә һәм ҡыҙҙар өсөн институтҡа әүерелә. 1952 йылда вилла Төркиәнең ауыл хужалығы министрлығына күсә һәм уның идараларының береһенең бюроһы сифатында хеҙмәт итә. 1980 йылда бина Төркиәнең мәҙәниәт һәм туризм министрлығына тапшырыла һәм реставрациянан һуң унда бөйөк төрөк музейы асыла.

Экспозициялары

Музейҙың беренсе ҡатында 1930 йылдан 1935 йылдарға тиклем Ататөрктөң Анталиәгә сәфәре тураһында һөйләүсе гәзиттәр, фотоһүрәттәр һәм документтар ҡуйылған.

Икенсе ҡатта йөҙ йыл элеккесә йыһазландырылған сәйәсмәндең ике эш кабинеты һәм йоҡо бүлмәһе урынлашҡан. Бында шулай уҡ Төркиә Республикаһы иғлан ителгәндән һуң сығарылған иҫтәлекле тәңкәләр, ҡағыҙ аҡсалар һәм почта маркалары коллекциялары ҡуйылған.

Музейҙың иң мөһим өлөшө булып Анкаралағы Аныткәбир мавзолейынан алып килтерелгән Ататөрктөң шәхси әйберҙәре ҡуйылған бүлмә тора.